သဘာဝကော်ဖီ စစ်စစ်တွေကိုပဲ သောက်တော့မယ်
...........................................................................
ရေနွေးပူပူ တွင် လျင်မြန်စွာ ပျော်ဝင်လွယ်ပြီး အ သင့်သောက်သုံးနိုင် သော၊ အချိန်ကုန်မခံ နိုင်သူများအတွက် မိနစ်အနည်းငယ်သာ အချိန်ပေးရ၍ အဆင်ပြေသော ပျော်ဝင်လွယ် ကော်ဖီများ မြန်မာနိုင်ငံ၌ တွင်ကျယ်ခဲ့သည်မှာ ဆယ်စုနှစ်တစ်ခုမက ကျော်လွန်ခဲ့ပြီဖြစ်သည်။
နေ့စဉ် အချိန်နှင့်တစ်ပြေးညီ သွားလာလှုပ် ရှားကြရသည့် လက်ရှိကာလတွင် အသင့်အသုံး ပြုနိုင်သည့် အစားအသောက်မျိုးစုံတွင်ကျယ်နေ သည့်အထဲ ကော်ဖီမစ်လည်း ပါဝင်သည်။ ကော်ဖီစစ်စစ်ကြိုက်သူများအဖို့ အသင့် သောက်သုံးနိုင်သည့်ကော်ဖီများကိုပင် အချိန် ကုန်သက်သာမှု၊ လွယ်ကူမှုကြောင့် သောက်သုံး ဖြစ်နေကြရသည်။
သို့သော်လည်း မယ်လမင်းပြဿနာ၊ ဆိုး ဆေးပြဿနာစသည့် အစားအသောက်များ အပေါ် ရိုက်ခတ်လာသည့် ဂယက်များ၏နောက် တွင်မူ သဘာဝအစားအသောက်များ၊ ဘေးထွက် ဆိုးကျိုးနည်းပါးသော အစားအသောက်များ ဘက်သို့ စားသုံးသူများ အာရုံပြောင်းစပြုလာ သည့်အခါ ကော်ဖီများနှင့်ပတ်သက်၍လည်း ထည့်သွင်းစဉ်းစားလာရသည်ဟု စားသုံးသူ၊ လေ့လာသူနှင့် ကျွမ်းကျင်သူများက သုံးသပ်ကြ ပါသည်။
လူနေမှုပြောင်းလဲခြင်း၏အရိပ်(သို့မဟုတ်)ကော်ဖီယဉ်ကျေးမှု
လူနေမှုအသွင်ပြောင်းလဲခြင်း၏ နောက် တွင် အရိပ်သဖွယ်ကပ်ပါလာပြီး လူအများစု လက်ခံလာသည့် အချက်တစ်ခုမှာ ကော်ဖီယဉ် ကျေးမှုဖြစ်ပါသည်။ ကော်ဖီကိုယခုနောက်ပိုင်းနှစ်များတွင် လူ လက်ခံမှုများပြားလာခဲ့သည်။
မိမိနေအိမ်တွင် ကိုယ်တိုင်ဖျော်စပ် သောက်သုံးမှု များလာသည်။ မိတ် ဆွေချင်းတွေ့ဆုံရန်လည်းကော်ဖီဆိုင် ကို စကားပြောဆိုရန် နေရာအဖြစ် ရွေးချယ်လာခဲ့ကြပါသည်။ ''ဈေးကွက်မှာ ကော်ဖီမှုန့် ရောင်းချမှုက နေရာရလာပါတယ်။ ရန်ကုန်နဲ့ မန္တလေးမှာ အဆင့်မြင့် ကော်ဖီဆိုင်တွေ များလာတယ်။ လူ နေမှု ဖွံ့ဖြိုးလာတာနဲ့အမျ ကိုယ်တိုင် Coffee Maker တွေအသုံးပြုပြီးဖျော် သောက်တာတွေလည်း ဖွံ့ဖြိုးလာ ပါတယ်''ဟုရွှေပုစွန်မှ Sales Manager ဦးအပါလှိုင်က ပြောပြသည်။
''Coffee Maker တွေ ၀ယ်ရ တာလွယ်ကူလာတာကြောင့်လည်း ကိုယ်တိုင် ဖျော်စပ်သောက်ကြတာ တွင်ကျယ်လာတာလို့ ဆိုနိုင်ပါ တယ်''ဟု ၄င်းက ဆက်လက်ပြောပြ သည်။ ကော်ဖီယဉ်ကျေးမှုသည်ယခု နှစ်များတွင် မြို့နေလူထုသာမက ကျေးလက်တွင် နေထိုင်သူများအထိ ပါ ကူးစက်ပျံ့နှံ့ခဲ့ပြီဖြစ်သည်။ ထိုသို့ ပျံ့နှံ့လာသည့်နောက် တွင် ကော်ဖီမှုန့်၊ နို့၊ သကြားစသည် တို့ဖြင့် ကိုယ်တိုင်ဖျော်စပ်သည့် ကော်ဖီနှစ်သက်သူများရှိနေသကဲ့သို့ အလွယ်တကူ စပ်ပြီးသား သောက် လိုသူများကမူ တစ်ခါသောက် ကော် ဖီမစ်ထုပ်များကိုဝယ်ယူသောက်သုံး လာကြသည်။ ဈေးကွက် လိုအပ်ချက် ဖြစ်လာခဲ့ သည်။
အချိန်ကုန်သက်သာတဲ့အတွက် ခွက်ရေပိုသောက်ဖြစ်တဲ့ ကော်ဖီမစ်တွေ
ရေနွေး အဆင်သင့်ရှိရုံ၊ ကော် ဖီထုပ်ရှိရုံနှင့် ကော်ဖီတစ်ခွက်ကို သောက်သုံးနိုင်လာသောကြောင့် တစ် နေ့လျင် ကော်ဖီခွက်ရေကို တစ်ခွက်၊ နှစ်ခွက်မှ ခွက်များစွာ ပုံမှန်ထက် ပိုမိုသောက်သုံးလာခြင်းများရှိလာခဲ့ သည်ဟုလည်းလေ့လာသိရှိရသည်။
''နောက်ပိုင်းပေါ်လာတဲ့ ကော်ဖီ မစ်တွေက အာရှနိုင်ငံတွေမှာ တော် တော်ခေတ်စားလာတယ်။ အနောက် နိုင်ငံတွေမှာတော့ သောက်လေ့ သောက်ထ သိပ်မရှိဘူး။ ကော်ဖီမစ် တွေက လူတွေ သောက်ချင်လာ အောင် ဆွဲဆောင်ထားနိုင်တယ်''ဟု အငြိမ်းစား ပါမောက္ခ ဒေါက်တာ မြင့် မြင့်ခင်က သုံးသပ်ပါသည်။ ကော်ဖီ တွင်ပါဝင်သည့်ကဖင်းဓာတ်၏သက် ရောက်မှုကလည်း နေ့စဉ်သောက် သုံးမှုအကြိမ်ရေများပြားပါက ကျန်း မာရေးကို သက်ရောက်မှုရှိမည်ဟု သိရသည်။ ''သောက်တဲ့အကြိမ်ရေနဲ့ ပမာဏပေါ်မူတည်ပြီး များတာ၊ နည်းတာ ကွဲတယ်။ Starbuck လို ကော်ဖီတွေနဲ့နှပ်ပြီးသောက်တဲ့ကော် ဖီတွေမှာ ကဖင်းဓာတ်များတယ်။ နောက် တစ်နေ့ တစ်ခွက်သောက်တဲ့ လူနဲ့တစ်နေ့ လေး၊ ငါးခွက်သောက် တဲ့လူမှာ ကဖင်းဓာတ်သက်ရောက်မှု မတူနိုင်ပါဘူး''ဟု ၄င်းက ဆက်လက် သုံးသပ်ပါသည်။
''Instant Coffee သောက်တဲ့ သူက သဘာဝကော်ဖီသောက်တဲ့သူ ထက် ပိုသောက်ဖြစ်တဲ့ အချက်တစ် ခုရှိနိုင်ပါတယ်။ Instant Coffee မှာ က ကော်ဖီမှုန့်ကိုပါ အလွယ်တကူ ပျော်ဝင်အောင် ဓာတ်ပစ္စည်းတွေနဲ့ ပေါင်းခံထားရတာပါ။ ဒါကြောင့် ရင်တုန်တာလိုမျိုးကို Instant Coffee ပိုသောက်တဲ့သူတွေကြုံရ တာပါ'' ဟု Premier Coffee မှ Marketing Supervisor ကိုသီဟ အောင်က ပြောကြားသည်။
ကော်ဖီမှုန့်နဲ့ ကော်ဖီမစ်တို့ရဲ့ လက်ရှိဈေးကွက်အခြေအနေ
မယ်လမင်းပြဿနာ၊ ဆိုးဆေး တွေ့ရှိမှုဖြစ်စဉ်စသည့် အစားအစာ များနှင့် ပတ်သက်သည့် ဂယက်များ ဖြစ်ပေါ်ပြီးသည့်နောက်တွင် သဘာ ၀ပစ္စည်းများအပေါ် စားသုံးသူတို့ အာရုံလွှဲပြောင်းလာပြီဖြစ်သည်။ သို့သော်လည်း ကော်ဖီဈေးကွက်တွင်မူ နှိုင်းယှဉ်ပြောရသည်အထိ ပြောင်း လဲမှုမရှိသေးဟု ဆိုပါသည်။ ''မယ်လမင်းပြီးတဲ့နောက် ကော် ဖီဈေးကွက်ကို နှိုင်းယှဉ်လို့မရသေး ပါဘူး။ သူ့ဈေးကွက်နဲ့ သူ မျပါ တယ်''ဟု နှစ်ပေါင်း ၄၀ သက်တမ်း ရှိပြီဖြစ်သည့် လက်ရွေးစင်ကော်ဖီမှ ပိုင်ရှင်ဖြစ်သူ ဦးမောင်မောင်ထွန်းက ပြောပြသည်။
အသင့်စားသောက်အသုံးပြု နိုင်သည့် အစားအသောက်များ၌ ဘေးထွက်ဆိုးကျိုး အနည်းနှင့်အ များ ပါဝင်မည်ကို သိရှိကြသူ များ ပြားသော်လည်း ယင်းအစားအ သောက်များကို ရှောင်ရန် ခက်ခဲနေ ခြင်းမှာ ကိုယ်တိုင်ပြင်ဆင်စား သောက်ရန် အချိန်ကို လုနေရသော ကြောင့်ဟု စားသုံးသူအချို့က ဆိုပါ သည်။ ''သဘာဝကော်ဖီက ရန်ကုန်မှာ ဈေးကွက်ရပေမယ့် နယ်မှာတော့ Instant Coffee ကိုပဲ သောက်ကြ တာပိုများတယ်။ နောက်ပိုင်းမှာတော့ ဘေးထွက်ဆိုးကျိုးနည်းတဲ့သဘာဝ ကော်ဖီဘက်ကို ပိုလက်ခံလာဖို့ မျော်လင့်တယ်။ ဈေးကွက်မှာ Instant Coffee က ၀ယ်လိုအား ရှိနေတုန်းပါပဲ''ဟုကိုသီဟအောင်က ဈေးကွက်ကို သုံးသပ်ပြသည်။
ဘေးထွက်ဆိုးကျိုးနှင့် ကော်ဖီ
''သဘာဝ ပစ္စည်းတွေမှာလည်း ဆိုးကျိုးရှိတယ်။ ကော်ဖီမှာဆို ကဖင်းဓာတ်က အဓိက ဆိုးကျိုးပဲ။ သူက သွေးပေါင်မြင့်စေတယ်။ ဦး နှောက်ကို နှိုးဆွပေးတယ်။ ကြာရင် သွေးတိုးရောဂါ ဖြစ်စေနိုင်တယ်။ ဦးနှောက်ရဲ့ လုပ်ငန်းဆောင်တာမှာ ဆွပေးတာနဲ့ နှိမ်ပေးတာရှိတယ်။ အဲ ဒီနှိမ်ပေးတာကို ကဖင်းဓာတ်က ဟန့်တားတယ်''ဟု အငြိမ်းစား ပါမောက္ခ ဒေါက်တာ မြင့်မြင့်ခင်က ပြောပါ သည်။
ကဖင်းဓာတ်ပါဝင်မှုကြောင့် သဘာဝကော်ဖီဖြစ်စေကာမူ ဘေး ထွက်ဆိုးကျိုးက သောက်သုံးမှုပေါ် မူတည်၍တွေ့ရမည်ဖြစ်သည်။''ကော်ဖီကို သင့်တင့်ရုံသောက် ရင် ဦးနှောက်ကို သွက်လက်စေ တယ်။ လန်းဆန်းစေတယ်။ ဦး နှောက်ရဲ့လုပ်အားကို မြှင့်ပေးတယ်။ သောက်တာများသွားရင် ကတုန်က ရင်ဖြစ်မယ်။ ဂနာမငြိမ်ဖြစ်မယ်။ ည ဘက်ကော်ဖီသောက်ပြီး အိပ်မပျော် တာ ကဖင်းကြောင့်ပဲ။ တစ်နေ့ကို ကော်ဖီခပ်ကျဲကျဲ နှစ်ခွက်၊ သုံးခွက် သောက်တာ အကောင်းဆုံးပဲ။ မနက် စောစောနဲ့ နေ့ခင်းပိုင်းပဲ သောက် သင့်တယ်။ ညဘက်သောက်တာ မ ကောင်းပါဘူး''ဟု ဒေါက်တာ မြင့် မြင့်ခင်က ကျန်းမာရေးနှင့်ပတ်သက် ၍ အကြံပြုပြောပြသည်။
စားသုံးသူတွေ ဂရုပြုလာတဲ့အစားအစာလုံခြုံမှု
လက်ရှိကာလတွင် အစားအသောက်များနှင့် ပတ်သက်သည့် ဂယက်များ အကြိမ်ကြိမ်ဖြစ်ပေါ်ပြီး သည့်နောက် စားသုံးသူများဘက်မှ လည်း မိမိစားသုံးမည့် အစားအစာ နှင့် မိမိကျန်းမာရေးအတွက် လုံခြုံ စိတ်ချရမှုကို ရွေးချယ်မှုများရှိလာ ခဲ့ကြပြီဖြစ်ပါသည်။ ''အလွယ်ကြိုက်တဲ့သူကတော့ သူ့ဈေးကွက်နဲ့ သူရှိမှာပါပဲ။ နောက် ပိုင်းမှာ မြန်မာလူမျိုးတွေလည်း ဂရု စိုက်လာပါတယ်။ ကော်ဖီစေ့ပဲ ၀ယ်ပြီး ကော်ဖီစက်နဲ့ ဖျော်သောက် တာတွေ လုပ်လာတယ်။ တချို့က လည်း ကော်ဖီစစ်၊ မစစ် သိချင်လို့ ချက်ချင်းခွဲခိုင်းပါတယ်''ဟု လက် ရွေးစင်မှဦးမောင်မောင်ထွန်းက ရှင်း ပြသည်။
''ကော်ဖီကတော့ ကိုယ်တိုင် လည်းသောက်တယ်။ ဧည့်သည်လာ ရင်လည်း တိုက်နေကျလေ။ အ လွယ်ကတော့ ကော်ဖီမစ်ထုပ်တွေပဲ အသုံးများတယ်။ အစားအသောက် နဲ့ ပတ်သက်တဲ့ဂယက်တွေကြောင့် ကော်ဖီကိုလည်း ချင့်ချိန်ပြီးသောက် ဖြစ်လာပါပြီ''ဟု ရန်ကုန်မြို့နေ စား သုံးသူတစ်ဦးက ပြောပါသည်။ ''အရင်ကတော့ စားသုံးသူက အရောင်လှမှ စားချင်ကြတယ်။ အခု တော့ ဆိုးဆေးပြဿနာလို ဖြစ်ပြီး တဲ့နောက် ကျန်းမာရေးဘက်ကို ပို ကြည့်လာတယ်။ ဘေးထွက်ဆိုးကျိုး ကိုကြည့်လာတယ်။ သဘာဝပစ္စည်း တွေကို အားထားလာပါတယ်''ဟု ဈေးကွက်ကျွမ်းကျင်သူ ကိုသီဟ အောင်က မှတ်ချက်ပြုသည်။
''ရိုးရိုးကော်ဖီထက် ဆိုးကျိုးပို များတယ်လို့ မဆိုနိုင်ပေမယ့် မသောက်တဲ့သူ သောက်အောင်လုပ် နိုင်တယ်။ သောက်တဲ့သူ ပိုသောက် အောင်လုပ်နိုင်တယ်။ လွယ်လွယ်ရ တော့ လွယ်လွယ်သောက်တာပဲ။ အဲ ဒါကို ဆိုးကျိုးတစ်ရပ်အနေနဲ့ မြင်ပါ တယ်''ဟု အငြိမ်းစား ပါမောက္ခ ဒေါက်တာ မြင့်မြင့်ခင်က ပြောကြား ခဲ့သည်။
သဘာဝကော်ဖီစစ်စစ်နှင့် စားသုံးသူ
သဘာဝနှင့် နီးစပ်သော ကော် ဖီမှုန့်များကို စားသုံးသူဈေးကွက်သို့ ထုတ်လုပ်ဖြန့်ဖြူးသူများမှာ မန္တလေး တိုင်း၊ ပြင်ဦးလွင်နှင့် ရှမ်းပြည်နယ် တို့တွင် ကော်ဖီစိုက်ခင်းများလုပ်ကိုင် ပြီး ကော်ဖီအဆင့်ဆင့်ထုတ်လုပ် ခြင်း၊ တောင်သူများအား နည်းပညာ စသည်များပံ့ပိုးပြီးကော်ဖီကိုပူးပေါင်း ထုတ်လုပ်ခြင်းများ ပြုလုပ်ကြသည် ဟုလည်း ဈေးကွက်မှသိရသည်။
ဈေးကွက်၌ဖြန့်ဖြူးသည့် ကော် ဖီမှုန့်များကိုလည်း အစားအစာနှင့် ဆေးဝါးကွပ်ကဲရေးဦးစီးဌာနက စစ်ဆေးမှုများ ပြုလုပ်သည်ဟုလက် ရွေးစင်မှ ဦးမောင်မောင်ထွန်းက ပြောပြသည်။ ''ပြည်တွင်းက စားသုံးသူတွေ ကို ကော်ဖီကောင်းကောင်း၊ ကော်ဖီ စစ်စစ် သောက်စေချင်တဲ့ဆန္ဒနဲ့ ရည် ရွယ်ချက်ရှိပါတယ်။ ဒါကြောင့် လည်း သဘာဝအတိုင်း ကော်ဖီစေ့နဲ့ ကော်ဖီမှုန့်တွေကိုထုတ်လုပ်ရောင်းချ ခဲ့ပါတယ်''ဟု ရွှေပုစွန်မှ Assistant General Manager ဒေါ်စန်းစန်းရီက ပြောပါသည်။
စားသုံးသူများအနေဖြင့် ကော် ဖီမှုန့်ကို ကိုယ်တိုင်ဖျော်စပ်သောက် သုံးသူများရှိသကဲ့သို့ ကော်ဖီစေ့ကို ၀ယ်ယူ၍လည်း ကိုယ်တိုင်ကြိတ်ကာ သောက်သုံးသူများလည်းရှိသည်ဟု သိရှိရသည်။ ''အိမ်မှာ ငယ်တုန်းကတည်း က ကော်ဖီစစ်စစ်ကိုပဲ အမေဖျော်စပ် ပေးတာသောက်လာခဲ့ရတာပါ။ အခု လို တံဆိပ်စုံနဲ့ကော်ဖီမစ်တွေအလွယ် သောက်လို့ရနေပေမယ့်လည်း အရင် သောက်နေကျ ကော်ဖီအစစ်မှုန့်ကို စပ်ပြီးတော့ပဲ တစ်အိမ်လုံးသောက် နေတုန်းပါပဲ။ ကိုယ်က ကော်ဖီကို မရှောင်နိုင်တော့လည်း ကျန်းမာရေး ကို တစ်နည်းနည်းနဲ့ ပြန်ဂရုစိုက်ရ တာပါ''ဟု တာမွေမြို့နယ်တွင် နေထိုင်သူ လူငယ်တစ်ဦးက ပြောပြ သည်။
လက်ရှိဈေးကွက်၌ အသင့် သောက်သုံးနိုင်သည့် ကော်ဖီအထုပ် များမှာ တံဆိပ်မျိုးစုံဖြင့် တွင်ကျယ် လျက်ရှိပြီး ပြည်တွင်းမှ ထုတ်လုပ်မှု လည်းရှိသကဲ့သို့ ပြည်ပနိုင်ငံအချို့မှ ၀င်ရောက်သော ကော်ဖီမစ်များ လည်းရှိသည်ဟု သိရသည်။ ကော်ဖီကို နှစ်သက်၍သောက် သုံးကြသူများအနေဖြင့် ကော်ဖီကို နေ့စဉ် စွဲပြီးသောက်သုံးမှုတွင် ဖြစ် နိုင်ပါက သဘာဝဘက်သို့ အားသာ သော ကော်ဖီများကိုသာ သောက် သုံးသင့်ကြောင်း ကျန်းမာရေးပညာ ရှင်များက သုံးသပ်ကြသည်။ ကော်ဖီယဉ်ကျေးမှု ပိုမိုတွင် ကျယ်လာနေသည့် ခေတ်ကာလဖြစ် သောကြောင့် ကော်ဖီနှင့်ပတ်သက်၍ အစားအစာလုံခြုံမှု၊ စိစစ်ထုတ်လုပ် မှုများရှိသင့်ပြီဟုလည်းစားသုံးသူများ နှင့် လေ့လာသူများက ဆိုကြသည်။
